A- A A+
«Ақмола облысы ауыл шаруашылығы басқармасы» ММ «Ақмола облысы ауыл шаруашылығы басқармасы» ММ
Мемлекеттік көрсетілетін қызметтердің стандарты

Жүктеу (DOCX 19 Kb)

Қазақстан Республикасы Ауыл шаруашылығы министрiнiң 2015 жылғы 16 қарашадағы № 9-3/1001 бұйрығымен бекiтiлген

"Агроөнеркәсiптiк кешен саласындағы дайындаушы ұйымдарды аккредиттеу" мемлекеттiк көрсетiлетiн қызмет стандарты

1-тарау. Жалпы ережелер

1. "Агроөнеркәсiптiк кешен саласындағы дайындаушы ұйымдарды аккредиттеу" мемлекеттiк көрсетiлетiн қызметi (бұдан әрi — мемлекеттiк көрсетiлетiн қызмет).

2. Мемлекеттiк көрсетiлетiн қызмет стандартын Қазақстан Республикасы Ауыл шаруашылығы министрлiгi (бұдан әрi — Министрлiк) әзiрледi.

3. Мемлекеттiк қызметтi облыстардың Астана, Алматы және Шымкент қалаларының жергiлiктi атқарушы органдары (бұдан әрi — көрсетiлетiн қызметтi берушi) көрсетедi.

Өтiнiмдi қабылдау және мемлекеттiк қызметтi көрсету нәтижесiн беру "Азаматтарға арналған үкiмет" мемлекеттiк корпорациясы (бұдан әрi — Мемлекеттiк корпорация) арқылы жүзеге асырылады.

2-тарау. Мемлекеттiк қызметтi көрсету тәртiбi

4. Мемлекеттiк қызметтi көрсету мерзiмдерi:

1) Мемлекеттiк корпорацияға құжаттар топтамасын тапсырған күннен бастап — 3 (үш) жұмыс күнi (құжаттарды қабылдау күнi мемлекеттiк қызмет көрсету мерзiмiне кiрмейдi);

2) құжаттар топтамасын тапсыру үшiн күтудiң рұқсат етiлетiн ең ұзақ уақыты — 30 (отыз) минут;

3) қызмет көрсетудiң рұқсат етiлетiн ең ұзақ уақыты — 30 (отыз) минут.

5. Мемлекеттiк қызметтi көрсету нысаны — қағаз түрiнде.

6. Мемлекеттiк қызметтi көрсету нәтижесi — агроөнеркәсiптiк кешен саласындағы дайындаушы ұйымдар тiзбесiне қосу және оны көрсетiлетiн қызметтi берушiнiң интернет-ресурсында орналастыру.

Мемлекеттiк қызметтi көрсету нәтижесiн ұсыну нысаны: қағаз түрiнде.

7. Мемлекеттiк қызмет заңды тұлғаларға (бұдан әрi — көрсетiлетiн қызметтi алушы) тегiн көрсетiледi.

8. Жұмыс кестесi, Мемлекеттiк корпорацияның өтiнiмдердi қабылдауы және нәтижелерiн беруi — Қазақстан Республикасының еңбек заңнамасына және "Қазақстан Республикасындағы мерекелер туралы" 2001 жылғы 13 желтоқсандағы Қазақстан Республикасы Заңының 5-бабына сәйкес демалыс және мереке күндерiн қоспағанда, дүйсенбiден бастап сенбiнi қоса алғанда, белгiленген жұмыс кестесiне сәйкес түскi үзiлiссiз, сағат 9.00-ден 20.00-ге дейiн.

Мемлекеттiк қызмет алдын ала жазылусыз және жеделдетiлген қызмет көрсетусiз кезек күту тәртiбiмен көрсетiледi.

9. Мемлекеттiк қызметтi көрсету үшiн көрсетiлетiн қызметтi алушы (не сенiмхат бойынша оның өкiлi) көрсетiлетiн қызметтi берушiге осы мемлекеттiк көрсетiлетiн қызмет стандартына 1-қосымшаға сәйкес белгiленген нысан бойынша агроөнеркәсiптiк кешен саласындағы дайындаушы ұйымдарды аккредиттеуге өтiнiм (бұдан әрi — өтiнiм) ұсынуы қажет.

Заңды тұлғаны мемлекеттiк тiркеу (қайта тiркеу) туралы мәлiметтердi көрсетiлетiн қызметтi берушi "электрондық үкiмет" шлюзi арқылы тиiстi мемлекеттiк ақпараттық жүйелерден алады.

Егер Қазақстан Республикасының заңдарында өзгеше көзделмесе, Мемлекеттiк корпорация жұмыскерi өтiнiмдi қабылдағанда мемлекеттiк қызметтердi көрсету кезiнде ақпараттық жүйелерде қамтылған, заңмен қорғалатын құпияны құрайтын мәлiметтердi пайдалануға көрсетiлетiн қызметтi алушының жазбаша келiсiмiн алады.

Көрсетiлетiн қызметтi алушы белгiленген нысанда өтiнiм берген кезде өтiнiмдi қабылдау туралы қолхат өтiнiмнiң Мемлекеттiк корпорацияда қабылданғанын растайды.

Көрсетiлетiн қызметтi алушы белгiленген нысанға сәйкес келмейтiн өтiнiмдi берген жағдайда Мемлекеттiк корпорацияның жұмыскерi өтiнiмдi қабылдаудан бас тартады және осы мемлекеттiк көрсетiлетiн қызмет стандартына 2-қосымшаға сәйкес өтiнiмдердi қабылдаудан бас тарту туралы колхат бередi.

3-тарау. Орталық мемлекеттiк органдардың, облыстардың, республикалық маңызы бар қалалардың, астананың жергiлiктi атқарушы органдарының, сондай-ақ көрсетiлетiн қызметтi берушiлердiң және (немесе) олардың лауазымды адамдарының, Мемлекеттiк корпорацияның және (немесе) оның жұмыскерлерiнiң мемлекеттiк қызметтер көрсету мәселелерi бойынша шешiмдерiне, әрекеттерiне (әрекетсiздiгiне) шағымдану тәртiбi

10. Көрсетiлетiн қызметтi берушiнiң және (немесе) оның лауазымды адамдарының мемлекеттiк қызметтер көрсету мәселелерi бойынша шешiмдерiне, әрекеттерiне (әрекетсiздiгiне) шағымдану: шағым осы мемлекеттiк көрсетiлетiн қызмет стандартының 12-тармағында көрсетiлген мекенжайлар бойынша көрсетiлетiн қызметтi берушi басшысының атына берiледi.

Шағым жазбаша нысанда почтамен, "электрондық үкiмет" веб-порталы арқылы не көрсетiлетiн қызметтi берушiнiң кеңсесi арқылы қолма-қол берiледi.

Мемлекеттiк корпорация жұмыскерiнiң әрекетiне (әрекетсiздiгiне) шағым осы мемлекеттiк көрсетiлетiн қызмет стандартының 12-тармағында көрсетiлген мекенжайлар мен телефондар бойынша Мемлекеттiк корпорация басшысының атына жiберiледi.

Көрсетiлетiн қызметтi берушiнiң және (немесе) Мемлекеттiк корпорацияның шағымды қабылдағанын шағымды қабылдаған адамның аты-жөнi мен тегi, берiлген шағымға жауап алу мерзiмi мен орны көрсетiле отырып, оның тiркелуi (мөртабан, кiрiс нөмiрi және күнi) растайды.

Көрсетiлетiн қызметтi берушiнiң және (немесе) Мемлекеттiк корпорацияның атына келiп түскен көрсетiлетiн қызметтi алушының шағымы тiркелген күнiнен бастап бес жұмыс күнi iшiнде қаралуы тиiс. Шағымды қарау нәтижелерi туралы уәждi жауап көрсетiлетiн қызметтi алушыға почта, "электрондық үкiмет" веб-порталы арқылы жiберiледi не көрсетiлетiн қызметтi берушiнiң және (немесе) Мемлекеттiк корпорацияның кеңсесiнде қолма-қол берiледi.

Мемлекеттiк қызметтi көрсету нәтижелерiмен келiспеген жағдайда, көрсетiлетiн қызметтi алушы мемлекеттiк қызметтер көрсетудiң сапасын бағалау және бақылау жөнiндегi уәкiлеттi органға шағыммен жүгiнедi.

Мемлекеттiк қызметтер көрсетудiң сапасын бағалау және бақылау жөнiндегi уәкiлеттi органның атына келiп түскен көрсетiлетiн қызметтi алушының шағымы тiркелген күнiнен бастап он бес жұмыс күнi iшiнде қаралуы тиiс.

Шағымда атауы, почталық мекенжайы, шығыс нөмiрi және күнi көрсетiледi.

11. Мемлекеттiк қызметтi көрсету нәтижелерiмен келiспеген жағдайларда, көрсетiлетiн қызметтi алушы Қазақстан Республикасының заңнамасында белгiленген тәртiппен сотқа жүгiнедi.

4-тарау. Мемлекеттiк қызметтi көрсетудiң, оның iшiнде Мемлекеттiк корпорация арқылы көрсетудiң ерекшелiктерi ескерiле отырып қойылатын өзге де талаптар

12. Мемлекеттiк қызметтi көрсету орындарының мекенжайлары және анықтама қызметтерiнiң байланыс телефондары көрсетiлетiн қызметтi берушiнiң және Министрлiктiң www.moa.kz интернет-ресурсында, сондай-ақ Мемлекеттiк корпорацияның www.gov4c.kz интернет-ресурсында орналастырылған.

13. Мемлекеттiк қызметтi көрсету үшiн күту және қажеттi құжаттарды дайындау уақытына қызмет алушылар үшiн жағдайлар жасалады (күтуге арналған креслолар, құжаттарды толтыруға арналған орындар қажеттi құжаттардың тiзбесi және оларды толтыру үлгiлерi бар стендiлермен жарақталады).

14. Көрсетiлетiн қызметтi алушының мемлекеттiк қызметтi көрсету тәртiбi туралы ақпаратты қашықтықтан қол жеткiзу режимiнде Мемлекеттiк қызметтер көрсету мәселелерi бойынша бiрыңғай байланыс орталығы арқылы алуға мүмкiндiгi бар.

15. Мемлекеттiк қызметтi көрсету тәртiбi туралы ақпаратты Бiрыңғай байланыс орталығының 1414 телефоны арқылы алуға болады.

Мақаланың шыққан күні: 20.01.2017 16:23
Парақтағы соңғы өзгерістер: 11.04.2019 15:17

egov.kz - мемлекеттік қызметтер және ақпарат онлайн

@2020 «Ақмола облысы ауыл шаруашылығы басқармасы» ММ
Яндекс.Метрика

Телефон:

Электрондық пошта адресі:

8 (7162) 90-30-01;

agricult@aqmola.gov.kz