A- A A+
«Ақмола облысы ауыл шаруашылығы басқармасы» ММ «Ақмола облысы ауыл шаруашылығы басқармасы» ММ
«Микрокредиттерге кепiлдiк беру бойынша комиссия» мемлекеттiк көрсетiлетiн қызмет стандарты

Қазақстан Республикасы Ауыл шаруашылығы министрiнiң м.а. 2019 жылғы 27 тамыздағы № 319 бұйрығымен бекiтiлген

«Микрокредиттерге кепiлдiк беру бойынша комиссия»
мемлекеттiк көрсетiлетiн қызмет стандарты

1-тарау. Жалпы ережелер

1. «Микрокредиттерге кепiлдiк беру бойынша комиссия» мемлекеттiк көрсетiлетiн қызметi (бұдан әрi — мемлекеттiк көрсетiлетiн қызмет).

2. Мемлекеттiк көрсетiлетiн қызмет стандартын Қазақстан Республикасы Ауыл шаруашылығы министрлiгi (бұдан әрi — Министрлiк) әзiрледi.

3. Мемлекеттiк қызметтi облыстардың жергiлiктi атқарушы органдары (бұдан әрi — көрсетiлетiн қызметтi берушi) көрсетедi.

Өтiнiмдердi қабылдау және мемлекеттiк қызметтi көрсету нәтижелерiн беру «электрондық үкiметтiң» www.egov.kz веб-порталы (бұдан әрi — портал) арқылы жүзеге асырылады.

2-тарау. Мемлекеттiк қызметтi көрсету тәртiбi

4. Порталға жүгiнген сәттен бастап мемлекеттiк қызметтi көрсету мерзiмi — 3 (үш) жұмыс күнi.

5. Мемлекеттiк қызметтi көрсету нысаны: электрондық.

6. Мемлекеттiк қызметтi көрсету нәтижесi — комиссияның аударылғаны туралы хабарлама не осы мемлекеттiк көрсетiлетiн қызмет стандартының 10-тармағында көзделген жағдайларда және негiздер бойынша мемлекеттiк қызметтi көрсетуден уәждi бас тарту.

Мемлекеттiк қызметтi көрсету нәтижесiн беру нысаны: электрондық.

Көрсетiлетiн қызметтi алушыға осы мемлекеттiк көрсетiлетiн қызмет стандартына 1 және 2-қосымшаларға сәйкес электрондық құжат нысанында көрсетiлетiн қызметтi берушiнiң электрондық цифрлық қолтаңбасы (бұдан әрi — ЭЦҚ) қойылған мемлекеттiк қызметтi көрсету нәтижесi туралы хабарлама жолданады. Хабарлама көрсетiлетiн қызметтi алушы субсидиялаудың ақпараттық жүйесiнде тiркелген кезде көрсеткен электрондық почта мекенжайына, сондай-ақ субсидиялаудың ақпараттық жүйесiндегi «жеке кабинетiне» жолданады.

7. Мемлекеттiк қызмет заңды тұлғаларға (бұдан әрi — көрсетiлетiн қызметтi алушы) тегiн көрсетiледi.

8. Порталдың жұмыс кестесi — жөндеу жұмыстарын жүргiзумен байланысты техникалық үзiлiстердi қоспағанда, тәулiк бойы (көрсетiлетiн қызметтi алушы Қазақстан Республикасының еңбек заңнамасына сәйкес жұмыс уақыты аяқталғаннан кейiн, демалыс және мереке күндерi жүгiнген жағдайда, өтiнiмдердi қабылдау және мемлекеттiк қызметтi көрсету нәтижелерiн беру келесi жұмыс күнi жүзеге асырылады).

9. Көрсетiлетiн қызметтi алушы субсидиялаудық ақпараттық жүйесiне портал арқылы электрондық құжат нысанында осы мемлекеттiк көрсетiлетiн қызмет стандартына 3-қосымшаға сәйкес көрсетiлетiн қызметтi алушының ЭЦҚ-сымен куәландырылған өтiнiмдi ұсынады.

Өтiнiмнiң қабылданғанын субсидиялаудың ақпараттық жүйесiндегi көрсетiлетiн қызметтi алушының «жеке кабинетiнде» мемлекеттiк қызметтi көрсетуге арналған сұранымның қабылданғаны туралы тиiстi мәртебе растайды.

10. Мемлекеттiк қызметтi көрсетуден бас тарту «Мемлекеттiк көрсетiлетiн қызметтер туралы» 2013 жылғы 15 сәуiрдегi Қазақстан Республикасы Заңының 19-1-бабының 2-тармағына сәйкес жүзеге асырылады.

3-тарау. Орталық мемлекеттiк органдардың, сондай-ақ көрсетiлетiн қызметтi берушiнiң және (немесе) оның лауазымды адамдарының мемлекеттiк қызметтер көрсету мәселелерi бойынша шешiмдерiне, әрекеттерiне (әрекетсiздiгiне) шағымдану тәртiбi

11. Көрсетiлетiн қызметтi берушiнiң мемлекеттiк қызметтер көрсету мәселелерi бойынша шешiмдерiне, әрекеттерiне (әрекетсiздiгiне) шағымдану: шағым тиiстi көрсетiлетiн қызметтi берушi басшысының атына берiледi.

Шағым осы мемлекеттiк көрсетiлетiн қызмет стандартының 13-тармағында көрсетiлген мекенжайлар бойынша жазбаша нысанда почтамен не жұмыс күндерi көрсетiлетiн қызметтi берушiнiң кеңсесi арқылы қолма-қол берiледi.

Шағымда көрсетiлетiн қызметтi алушының атауы, почталық мекенжайы, шығыс нөмiрi мен күнi көрсетiледi. Шағымға көрсетiлетiн қызметтi алушы қол қоюы тиiс.

Көрсетiлетiн қызметтi берушiнiң шағымды қабылдағанын шағымды қабылдаған адамның аты-жөнi мен тегi, берiлген шағымға жауап алу мерзiмi мен орны көрсетiле отырып, оның тiркелуi (мөртабан, кiрiс нөмiрi және күнi) растайды.

Сондай-ақ, көрсетiлетiн қызметтi берушi жұмыскерiнiң әрекеттерiне (әрекетсiздiгiне) шағымдану тәртiбi туралы ақпаратты Бiрыңғай байланыс орталығының 1414 телефоны арқылы алуға болады.

Портал арқылы электрондық арыз жолдаған кезде көрсетiлетiн қызметтi алушыға порталдағы «жеке кабинетiнен» арыз туралы ақпарат қолжетiмдi болады, ол көрсетiлетiн қызметтi берушi арызды өңдеуi (шағымның жеткiзiлгенi, тiркелгенi, орындалғаны туралы белгiлер, қарау туралы немесе қараудан бас тарту туралы жауап) барысында жаңартылып отырады.

Көрсетiлетiн қызметтi берушiнiң атына келiп түскен көрсетiлетiн қызметтi алушының шағымы тiркелген күнiнен бастап бес жұмыс күнi iшiнде қаралуы тиiс. Шағымды қараудың нәтижелерi туралы уәждi жауап көрсетiлетiн қызметтi алушыға почтамен жолданады не көрсетiлетiн қызметтi берушiнiң кеңсесiнде қолма-қол берiледi.

Мемлекеттiк қызметтi көрсету нәтижелерiмен келiспеген жағдайда, көрсетiлетiн қызметтi алушы мемлекеттiк қызметтер көрсетудiң сапасын бағалау және бақылау жөнiндегi уәкiлеттi органға шағыммен жүгiне алады.

Мемлекеттiк қызметтер көрсетудiң сапасын бағалау және бақылау жөнiндегi уәкiлеттi органның атына келiп түскен көрсетiлетiн қызметтi алушының шағымы тiркелген күнiнен бастап он бес жұмыс күнi iшiнде қаралуы тиiс.

12. Мемлекеттiк қызметтi көрсету нәтижелерiмен келiспеген жағдайда, көрсетiлетiн қызметтi алушы Қазақстан Республикасының заңнамасында белгiленген тәртiппен сотқа жүгiнедi.

4-тарау. Мемлекеттiк қызметтi, оның iшiнде электрондық нысанда көрсетiлетiн мемлекеттiк қызметтi көрсетудiң ерекшелiктерi ескерiле отырып қойылатын өзге де талаптар

13. Мемлекеттiк қызметтi көрсету орындарының мекенжайлары:

1) тиiстi көрсетiлетiн қызметтi берушiнiң интернет-ресурсында;

2) Министрлiктiң www.moa.gov.kz интернет-ресурсындағы «Мемлекеттiк көрсетiлетiн қызметтер» бөлiмiнiң «Мемлекеттiк қызмет көрсету орындарының мекенжайлары» кiшi бөлiмiнде орналасқан.

14. Көрсетiлетiн қызметтi алушының мемлекеттiк қызметтi көрсету тәртiбi мен мәртебесi туралы ақпаратты қашықтықтан қол жеткiзу режимiнде Бiрыңғай байланыс орталығы арқылы алуға мүмкiндiгi бар.

15. Мемлекеттiк қызметтi көрсету мәселелерi жөнiндегi анықтама қызметтерiнiң байланыс телефондары порталда көрсетiлген. Бiрыңғай байланыс орталығы: 1414.

«Микрокредиттерге кепiлдiк
беру бойынша комиссия»
мемлекеттiк көрсетiлетiн
қызмет стандартына
1-қосымша
Нысан

Хабарлама

Құрметтi ______________________________________________________

(көрсетiлетiн қызметтi алушы)

Сiздiң 20 ___ жылғы «__» ______________ № ________ өтiнiмiңiз бойынша

мемлекеттiк қызметтi көрсетуден _________________________________

________________________________________________ себептi бас тартылды.

«Микрокредиттерге кепiлдiк
беру бойынша комиссия»
мемлекеттiк көрсетiлетiн
қызмет стандартына
2-қосымша
Нысан

Хабарлама

Құрметтi_______________________________________________________

(көрсетiлетiн қызметтi алушы)

Сiздiң 20 ___ жылғы «__» _________ № __________ өтiнiмiңiз бойынша мемлекеттiк қызмет көрсетiлдi және Сiздiң № __________ есептiк шотыңызға 20 ___ жылғы «__» __________ төлем тапсырмасымен _________ теңге мөлшерiнде комиссия сомасы аударылғанын хабарлаймыз.

«Микрокредиттерге кепiлдiк
беру бойынша комиссия»
мемлекеттiк көрсетiлетiн
қызмет стандартына
3-қосымша
Нысан

Комиссия алуға арналған өтiнiм

(кiмге) _______________________________________________________
(облыстың жергiлiктi атқарушы органына)

(кiмнен) ______________________________________________________
(кепiлгердiң толық атауы)

Осымен «ҚазАгро» ұлттық басқарушы холдингi» акционерлiк қоғамының кепiлдiк беру жөнiндегi еншiлес ұйымы (бұдан әрi — Кепiлгер) Қазақстан Республикасы Премьер-Министрiнiң орынбасары — Қазақстан Республикасы Ауыл шаруашылығы министрiнiң 2018 жылғы 27 қарашадағы № 477 бұйрығымен (Нормативтiк құқықтық актiлердi мемлекеттiк тiркеу тiзiлiмiнде № 17812 болып тiркелген) бекiтiлген Ауылдық жерлерде және шағын қалаларда микроқаржы ұйымдары және кредиттiк серiктестiктер беретiн кредиттер/микрокредиттер бойынша кепiлдiк беру қағидаларына және Қазақстан Республикасы Үкiметiнiң 2018 жылғы 13 қарашадағы № 746 қаулысымен бекiтiлген Нәтижелi жұмыспен қамтуды және жаппай кәсiпкерлiктi дамытудың 2017-2021 жылдарға арналған «Еңбек» мемлекеттiк бағдарламасына сәйкес Кепiлгер, ___________ (қарыз алушының атауы) және ____________ (микроқаржы ұйымының/кредиттiк серiктестiктiң (бұдан әрi — МҚҰ/КС) атауы) арасында кепiлдiк шартына қол қойылғанын хабарлайды.

Кепiлдiк _________ (қарыз алушының атауы) ____________ (МҚҰ/КС атауы) алдындағы кредит/микрокредит беру туралы шарт бойынша мiндеттемелерiн орындауын қамтамасыз ету ретiнде берiлдi.

Жоғарыда баяндалғандарға байланысты, Сiздерден _____________ (кепiлдiк сомасының 30%-ы) мөлшерiнде кепiлдiк құнын мынадай деректемелер бойынша аударуды сұраймыз:

1. Өтiнiм берушi туралы мәлiметтер:

атауы _________________________________________________________
БСН (бизнес-сәйкестендiру нөмiрi) ________________________________
басшының аты, әкесiнiң аты (бар болса), тегi ________________________
мекенжайы: ___________________________________________________
телефон (факс) нөмiрi: ___________________________________________

2. Екiншi деңгейлi банктегi шоты бойынша мәлiметтер:

БСН (бизнес-сәйкестендiру нөмiрi) ________________________________
Кбе (бенефициар коды) __________________________________________
Банк деректемелерi: ____________________________________________
Банктiң атауы: __________________________________________________
БСК (банктiк сәйкестендiру коды) __________________________________
ЖСК (жеке сәйкестендiру коды) ___________________________________
БСН (бизнес-сәйкестендiру нөмiрi) ________________________________
Кбе (бенефициар коды) __________________________________________

Төлем тағайындаған кезде қарыз алушының атауын және кепiлдiк құны аударылатын кепiлдiк шартының күнiн көрсетудi сұраймыз.

3. МҚҰ/КС және қарыз алушы арасында жасалған кредит/микрокредит беру туралы шарт (бұдан әрi — КШ) туралы мәлiметтер.

КШ (№ және күні) Қарыз алушының атауы Қарыз алушының ЖСН-сы/БСН-сы Өнім (қаржыландыру) түрі (кредит немесе микрокредит)
1 2 3 4 5
         

кестенің жалғасы

Кредиттің/микрокредиттің/жаңартылмайтын кредит желісінің сомасы және валютасы Кредит беру/микрокредит беру мақсаты Кредиттің/микрокредиттің/жаңартылмайтын кредит желісінің мерзімі Сыйақы мөлшерлемесі, %
6 7 8 9
       

Кепілдік беру шарты туралы мәліметтер:

КШ (№ және күні) Қарыз алушының атауы Қарыз алушының ЖСН-сы/ БСН-сы Кепілдік сомасы, теңге Кепілдік мерзімі, жыл
1 2 3 4 5 6
           

Ұсынылған ақпараттың дұрыстығын растаймыз, дұрыс емес мәлiметтер берiлгенi үшiн Қазақстан Республикасының заңнамасына сәйкес жауапкершiлiк туралы хабардармыз және заңмен қорғалатын құпияны құрайтын мәлiметтердi пайдалануға, сондай-ақ дербес деректер мен өзге де ақпаратты жинауға, өңдеуге, сақтауға, шығарып алуға және пайдалануға келiсiм беремiз.

Кепiлгер 20 ___ жылы «__» __________ сағат 00:00-де қол қойып, жiбердi:

Электрондық цифрлық қолтаңбадан (бұдан әрi — ЭЦҚ) алынған деректер
ЭЦҚ-ның қойылған күнi мен уақыты
Өтiнiмнiң қабылданғаны туралы хабарлама:
Өтiнiм 20 ___ жылы «__» ___________ сағат 00:00-де қабылданды:
ЭЦҚ-дан алынған деректер
ЭЦҚ-ның қойылған күнi мен уақыты

Мақаланың шыққан күні: 11.10.2019 12:18
Парақтағы соңғы өзгерістер: 11.10.2019 12:18

egov.kz - мемлекеттік қызметтер және ақпарат онлайн

@2020 «Ақмола облысы ауыл шаруашылығы басқармасы» ММ
Яндекс.Метрика

Телефон:

Электрондық пошта адресі:

8 (7162) 90-30-01;

agricult@aqmola.gov.kz